ပြည်ပခရီးသွားလာခြင်းနှင့် ပြည်ပကြားဝင်နှောင့်ယှက်မှု Travelling overseas and foreign interference
ပြည်ပသို့ ခရီးသွားသည့်အခါ အချို့သောသူများသည် လုံခြုံရေးနှင့် ထောက်လှမ်းရေးအေဂျင်စီများအပါအဝင် နိုင်ငံခြားအာဏာပိုင်များထံမှ အပိုဆောင်းစစ်ဆေးမေးမြန်းမှုများမှတစ်ဆင့် ပြည်ပကြားဝင်နှောင့်ယှက်မှုကို ကြုံတွေ့ရနိုင်ပါသည်။
သို့သော် ခရီးသွားအများစုသည် ဤကဲ့သို့ ကြုံတွေ့ရလေ့မရှိကြောင်းနှင့် နယ်စပ်များတွင် စစ်ဆေးမေးမြန်းခြင်းသည် ကမ္ဘာတစ်ဝန်းတွင် ပုံမှန်လုပ်ရိုးလုပ်စဉ်ဖြစ်ပြီး များသောအားဖြင့် ပြည်ပကြားဝင်နှောင့်ယှက်မှုနှင့် မသက်ဆိုင်ကြောင်း မှတ်သားထားရန် အရေးကြီးပါသည်။
ပြည်ပခရီးသွားလာခြင်းနှင့် ပြည်ပကြားဝင်နှောင့်ယှက်မှု
နယူးဇီလန်နိုင်ငံ၏ ကောင်စစ်ဆိုင်ရာ အကူအညီများ (New Zealand consular assistance)
နယူးဇီလန် နိုင်ငံခြားရေးနှင့် ကုန်သွယ်ရေးဝန်ကြီးဌာန (MFAT) သည် နယူးဇီလန်ပြင်ပသို့ ရောက်ရှိနေသော နယူးဇီလန်နိုင်ငံသားများအတွက် ၎င်းတို့သည် နယူးဇီလန်တွင် ပုံမှန်နေထိုင်သူမဟုတ်လျှင်ပင် ကောင်စစ်ဆိုင်ရာ ဝန်ဆောင်မှုများကို ပေးအပ်ပါသည်။
ယေဘုယျအားဖြင့် နယူးဇီလန်တွင် အမြဲတမ်းနေထိုင်ခွင့်ရရှိထားသူများ (Permanent Residents) ကို ကောင်စစ်ဆိုင်ရာ အကူအညီ ပေးလေ့မရှိပါ။
ပြည်ပရောက် နယူးဇီလန်နိုင်ငံသားများသည် ထိုနိုင်ငံ၏ ပြည်တွင်းဥပဒေများကို လိုက်နာရမည်ဖြစ်ပြီး၊ ယင်းတွင် ထိန်းသိမ်းခြင်း၊ တရားစွဲဆိုခြင်း သို့မဟုတ် ခရီးသွားလာခွင့် ကန့်သတ်ခြင်းဆိုင်ရာ ဥပဒေများလည်း ပါဝင်သည်။
နိုင်ငံသားနှစ်မျိုးခံယူထားသူများ (Dual citizens)
နိုင်ငံသားနှစ်မျိုး ခံယူထားခြင်းသည် နယူးဇီလန်အနေဖြင့် ကောင်စစ်ဆိုင်ရာ အကူအညီပေးနိုင်မှုအပေါ် သက်ရောက်မှုရှိနိုင်ပါသည်။ သင်သည် အခြားနိုင်ငံသားအဖြစ် ခံယူထားသောနိုင်ငံသို့ ရောက်ရှိနေချိန်တွင် ဒေသခံအာဏာပိုင်များက သင့်ကို ၎င်းတို့၏ နိုင်ငံသားအဖြစ်သာ ဆက်ဆံနိုင်ပြီး နယူးဇီလန်၏ ပါဝင်ပတ်သက်မှုကို ခွင့်မပြုဘဲ နေနိုင်ပါသည်။
Safe Travel ဝဘ်ဆိုက်ရှိ နိုင်ငံသားနှစ်မျိုးခံယူထားသူများနှင့် အမြဲတမ်းနေထိုင်သူများ ကဏ္ဍတွင် အသေးစိတ် ထပ်မံလေ့လာနိုင်ပါသည်။
ဒုက္ခသည်များနှင့် ဒုက္ခသည်ဟောင်းများ
အကယ်၍ သင်သည် နယူးဇီလန်ပြင်ပတွင် ရောက်ရှိနေသော ဒုက္ခသည်တစ်ဦးဖြစ်ပါက နယူးဇီလန်အစိုးရအနေဖြင့် အကူအညီပေးနိုင်မှုတွင် ကြီးမားသော ကန့်သတ်ချက်များရှိပါသည်။
Safe Travel ဝဘ်ဆိုက်ရှိ ဒုက္ခသည်များနှင့် ဒုက္ခသည်ဟောင်းများ ကဏ္ဍတွင် အသေးစိတ် ထပ်မံလေ့လာနိုင်ပါသည်။
SafeTravel NZ
SafeTravel NZ သည် ပြည်ပသို့ သွားရောက်လည်ပတ်နေသော သို့မဟုတ် ပြည်ပတွင် နေထိုင်နေသော နယူးဇီလန်နိုင်ငံသားများအတွက် ခရီးသွားလာရေးဆိုင်ရာ အကြံပြုချက်များ၊ ကောင်စစ်ဝန်ဆောင်မှုများ၊ ဘေးကင်းလုံခြုံရေး အကြံပြုချက်များနှင့် ခရီးသွားမှတ်ပုံတင်ခြင်းစနစ်တို့ကို ပံ့ပိုးပေးသည့် နယူးဇီလန် နိုင်ငံခြားရေးနှင့် ကုန်သွယ်ရေးဝန်ကြီးဌာန (MFAT) ၏ တရားဝင် ဝဘ်ဆိုက်ဖြစ်သည်။
ခရီးသွားများအနေဖြင့် ပြည်ပသို့ မထွက်ခွာမီ SafeTravel New Zealand တွင် မှတ်ပုံတင်ထားသင့်ပါသည်။ မှတ်ပုံတင်ထားခြင်းဖြင့် MFAT မှ နောက်ဆုံးရသတင်းများကို အချိန်နှင့်တစ်ပြေးညီ ပေးပို့နိုင်ခြင်း၊ လိုအပ်ပါက ခရီးသွားများနှင့် ဆက်သွယ်နိုင်ခြင်းနှင့် ဖြစ်နိုင်ခြေရှိသော အကူအညီများကို ပေးအပ်နိုင်ခြင်းတို့အတွက် အထောက်အကူဖြစ်စေပါသည်။
ယခုအချက်အလက်ကို ဒီမှာ ဒေါင်းလုပ်ရယူပါ
Last modified: