بهرني هېواد ته سفر او بهرنۍ لاسوهنې Travelling overseas and foreign interference
بهرني هېواد ته د سفر پر مهال، ځینې کسان ښايي د بهرنیو چارواکو، له هغې جملې د هغوی د امنیتي او استخباراتي ادارو له خوا د لا زیاتې څارنې او پلټنې سره مخ شي، چې دا کار د بهرنیو لاسوهنو برخه کېدای شي.
اړینه ده چه په یاد ولرئ چې ډېر مسافر به ښايي داسې څه تجربه نه کړي او په سرحدونو کې پلټنې او څارنه په ټوله نړۍ کې یو عام، معمولاً نورمال او ډېر وختونه له بهرنیو لاسوهنو سره نااړونده کار دی.
بهرني هېواد ته سفر او بهرنۍ لاسوهنې
د نیوزیلنډ قونسلي مرسته
د بهرنیو چارو او سوداګرۍ وزارت (MFAT) په بهر کې د نیوزیلنډ د وګړو لپاره کونسلي خدمات وړاندې کوي، حتی که هغوی معمولاً په نیوزیلنډ کې ژوند هم نه کوي.
قونسلی مرسته عموماً د نیوزیلنډ دایمی اوسېدونکو ته نه وړاندې کېږی.
په بهر کې د نیوزیلنډ اتباع مکلف دي چې د کوربه هېواد قوانین رعایت کړي، پدې کې د توقیف، قضایي تعقیب یا د تګ راتګ د محدودیتونو اړوند مقررات شامل دي.
دوه ګونی تابعیت لرونکی
د دوه ګوني تابعیت لرل ښايي د کونسلي خدماتو د وړاندې کولو په برخه کې د نیوزیلنډ پر وړتیا اغېز وکړي. کله چې یو څوکت د خپل دویم تابعیت په هېواد کې شتون ولري، سیمه ییز چارواکي ښايي هغه یوازې د هماغه هېواد د وګړي په توګه وګڼي او د نیوزیلنډ د مداخلې مخنیوی وکړي.
د لا زیاتو معلوماتو لپاره د SafeTravel وېب پاڼې مراجعه وکړئ: د دوه ګوني تابعیت او دایمي اقامت لرونکو کسانو برخې ته
کډوال او پخواني کډوال
که چېرې تاسو د کډوال په توګه له نیوزیلنډ څخه بهر شتون لرئ، د هغه ملاتړ کچه چې د نیوزیلنډ حکومت یې تاسو ته وړاندې کولای شي، په دپام وړ توګه محدوده وي.
د لا زیاتو مالوماتو لپاره د SafeTravel وېب پاڼې مراجعه وکړئ: د کډوالو او پخوانیو کډوالو برخې ته
SafeTravel NZ
د SafeTravel NZ د بهرنیو چارو او سوداګرۍ وزارت رسمي وېب پاڼه ده د نیوزیلنډ د هغو اتباعو لپاره چې بهر ته سفر کوي یا هلته مېشت دي، او هغوی ته د سفر مشورې، کونسلي خدمات، د خوندیتوب سپارښتنې او د مسافرینو د نوم لیکنې سیستم وړاندې کوي.
مسافر باید بهر ته له تګ مخکې د SafeTravel New Zealand په وېب پاڼه کې نوم لیکنه وکړي. دا کار د بهرنیو چارو او سوداګرۍ وزارت سره مرسته کوي ترڅو په خپل وخت معلومات ورسوي، د اړتیا پر مهال له مسافرینو سره اړیکه ونیسي او تر ممکنه بریده مرسته چمتو کړي.