Pagbibiyahe sa ibang bansa at dayuhang panghihimasok Travelling overseas and foreign interference

Kapag bumibiyahe sa ibang bansa, ang ilang tao ay maaaring maharap sa dayuhang panghihimasok sa pamamagitan ng karagdagang pagsisiyasat mula sa mga dayuhang awtoridad, kabilang ang mula sa kanilang mga ahensya ng seguridad at intelihensya.

Mahalagang tandaan na maaaring hindi ito nararanasan ng karamihan sa mga bumibiyahe, at ang pagsisiyasat sa mga hangganan ay karaniwan sa buong mundo, kadalasang rutina at walang kaugnayan sa dayuhang panghihimasok.

Pagbibiyahe sa ibang bansa at dayuhang panghihimasok

  • mga taong natudla sa New Zealand
  • mga miyembro ng komunidad na kilalang may mga salungat na pananaw o kritikal sa mga dayuhang estado
  • mga pinuno ng komunidad, tagapagtaguyod at aktibista
  • mga miyembro ng komunidad na bumibiyahe para sa pamilya, komunidad, o negosyo
  • mga miyembro ng komunidad na nagtatrabaho para sa Pamahalaan ng New Zealand, mga konseho ng lokal na pamahalaan o mga halal na opisyal sa New Zealand
  • mga miyembro ng komunidad na nagtatrabaho sa iba pang pangunahing sektor, halimbawa, kritikal na imprastraktura, akademya, media
  • mga dating refugee.

  • hindi kinakailangang pagtatanong ng mga lokal na awtoridad, halimbawa tungkol sa mga plano sa pagbiyahe, mga aktibidad, o mga koneksyon
  • hindi pinapayagang pumasok o lumabas, tulad ng hindi pinapayagang sumakay sa mga flight o pumasok sa mga checkpoint ng hangganan
  • may mga paghihigpit sa paglalakbay o visa na ipinataw, kabilang ang mga limitasyon sa paggalaw sa loob ng bansa
  • pagpapahanap sa mga elektronikong kasangkapan, kabilang ang mga telepono, laptop, o iba pang mga kasangkapan, na maaaring may kinalaman sa pag-access sa personal na impormasyon o komunikasyon
  • nakatudlang pagmamatyag, detensyon, o pagkabilanggo pagkatapos ng pagdating, na maaaring kabilang ang pormal na legal na aksyon
  • nakararanas ng pananakot, panliligalig, o pagbabanta mula sa mga lokal na awtoridad
  • napapailalim sa pagtatanong, panliligalig o pananakot ng mga lokal na grupo, hindi lamang ng mga tagapagpatupad ng batas o mga awtoridad.

Tulong konsulado ng New Zealand

Ang Ministeryo ng Ugnayang Pandayuhan at Kalakalan (MFAT, Ministry of Foreign Affairs and Trade) ay nagbibigay ng mga serbisyong konsulado sa mga mamamayan ng New Zealand sa labas ng New Zealand, kahit na hindi sila karaniwang naninirahan sa New Zealand.

Ang tulong konsulado ay hindi karaniwang ibinibigay sa mga Permanenteng Residente ng New Zealand.

Ang mga taga-New Zealand sa ibang bansa ay napapailalim sa mga lokal na batas sa ibang bansa, kabilang ang mga batas ng bansang iyon na namamahala sa detensyon, pag-uusig, o mga paghihigpit sa biyahe.

Dalawahang pagkamamamayan

Ang pagkakaroon ng dalawahang pagkamamamayan ay maaaring makaapekto sa kakayahan ng New Zealand na magbigay ng tulong konsulado. Kapag nasa bansa ng ibang pagkamamamayan, ang mga lokal na awtoridad ay maaaring ituring ang tao bilang kanilang mamamayan lamang at hindi pahintulutan ang paglahok ng New Zealand.

Maaari kang makahanap ng karagdagang impormasyon tungkol sa Ligtas na Pagbiyahe: Dalawahang pagkamamamayan at mga permanenteng residente

Mga refugee at dating refugee

Kung ikaw ay isang refugee sa labas ng New Zealand, may mga makabuluhang limitasyon sa suporta na maibibigay ng Pamahalaan ng New Zealand.

Maaari kang makahanap ng karagdagang impormasyon tungkol sa Ligtas na Pagbiyahe: Mga refugee at dating refugee

SafeTravel NZ

Ang SafeTravel NZ ang opisyal na website ng MFAT para sa mga Taga-New Zealand na bumibiyahe o nakatira sa ibang bansa, na nag-aalok ng payo sa pagbibiyahe, mga serbsiyong konsular, mga payo sa kaligtasan, at isang sistema ng pagpapatala para sa mga bumibiyahe.

Ang mga bumibiyahe ay dapat magpatala sa SafeTravel New Zealand bago pumunta sa ibang bansa. Nakatutulong ito sa MFAT na magbigay ng napapanahong mga update, makipag-ugnayan sa mga bumibiyahe kung kinakailangan, at mag-alok ng tulong kung saan posible.

I-download dito ang impormasyong ito - Malapit na

Other Languages

Explore information in other languages.

Other Languages

Explore information in other languages.