រាយការណ៍ពីសកម្មភាពបង្កគ្រោះថ្នាក់ ឬអំពើខុសច្បាប់ ដែលអាចជាប់ពាក់ព័ន្ធនឹងការជ្រៀតជ្រែកពីបរទេស ចំណាំ ៖ នេះគឺជាព័ត៌មានទូទៅ ។ គឺសម្រាប់ការយល់ដឹងរបស់អ្នកតែ Reporting harmful or illegal activities that may be linked to foreign interference
រាយការណ៍ពីសកម្មភាពបង្កគ្រោះថ្នាក់ ឬអំពើខុសច្បាប់ ដែលអាចជាប់ពាក់ព័ន្ធនឹងការជ្រៀតជ្រែកពីបរទេស
ចំណាំ ៖ នេះគឺជាព័ត៌មានទូទៅ ។ គឺសម្រាប់ការយល់ដឹងរបស់អ្នកតែប៉ុណ្ណោះ មិនមែនជាដំបូន្មានផ្នែកច្បាប់ឡើយ ។
សម្រាប់ដំបូន្មានផ្នែកច្បាប់ជាក់លាក់ សូមពិភាក្សាជាមួយអ្នកជំនាញផ្នែកច្បាប់ដែលមានលក្ខណៈសម្បត្តិគ្រប់គ្រាន់ ។
សកម្មភាពបង្កគ្រោះថ្នាក់មួយចំនួនដែលធ្វើឡើងដោយតួអង្គរដ្ឋបរទេស ដែលជាផ្នែកមួយនៃការជ្រៀតជ្រែកពីបរទេស គឺជាបទល្មើសរួចទៅហើយ ក្រោមច្បាប់នូវែលសេឡង់ ។
ប្រសិនបើសកម្មភាពទាំងនេះកំពុងកើតឡើង ឬមានហេតុផលដើម្បីជឿថា វាអាចនឹងកើតឡើង សូមរាយការណ៍ទៅនគរបាលនូវែលសេឡង់ (NZ Police) ឬរាយការណ៍ជាអនាមិក តាមរយៈ Crime Stoppers New Zealand (Crime Stoppers) ។
វាមិនចាំបាច់ត្រូវបង្ហាញថា សកម្មភាពនោះ មានការជាប់ពាក់ព័ន្ធជាមួយរដ្ឋបរទេស ឬថាជាការជ្រៀតជ្រែកពីបរទេសឡើយ ពីព្រោះសកម្មភាពនោះ គឺជា បទល្មើស ដោយខ្លួនឯងរួចទៅហើយ ។
យើងនៅតែអាចធ្វើរបាយការណ៍ទៅកាន់នគរបាល NZ ឬអ្នកបញ្ឈប់ឧក្រិដ្ឋកម្ម ( Crime Stoppers) ដដែល ទោះបីជាមិនទាន់ដឹងប្រភពដើមនៃសកម្មភាព ឬថាតើសកម្មភាពនោះ មានជាប់ពាក់ព័ន្ធនឹងរដ្ឋបរទេសក៏ដោយ ។ ប៉ូលីស NZ នឹងវាយតម្លៃស្ថានភាព និងកំណត់ថាតើត្រូវការវិធានការបន្ថែមដែរឬទេ ។
សកម្មភាពទាំងនេះរួមាន ៖
- ការបំភ័យ និងការគម្រាម
- គំរាមហែកកេរ្តិ៍
- ការឈ្លប (លបតាមដាន)
- ការរុកគួន
- ការវាយប្រហារ និងអំពើហិង្សាដែលពាក់ព័ន្ធ
- ឧក្រិដ្ឋកម្មតាមអនឡាញ ដូចជាការលួចចូល និងការចូលដោយគ្មានការអនុញ្ញាត
- ទំនាក់ទំនងឌីជីថលដែលបង្កគ្រោះថ្នាក់ (ឧទាហរណ៍ អ៊ីមែល ខ្លឹមសារប្រព័ន្ធផ្សព្វផ្សាយសង្គម ឬការបង្ហោះព័ត៌មាននៅលើវេទិកាសហគមន៍អនឡាញ) ដែលមានបំណងបង្កគ្រោះថ្នាក់ អាចជាបទល្មើសព្រហ្មទណ្ឌ
ស្វែងយល់បន្ថែមអំពីទំនាក់ទំនងឌីជីថលដែលបង្កគ្រោះថ្នាក់នៅលើគេហទំព័រប៉ូលីសនូវែលសេឡង់
រាយការណ៍ពីបទល្មើសទៅនគរបាល NZ
ប្រសិនបើជាភាពអាសន្ន ហើយហេតុការណ៍នោះកំពុងតែកើតឡើង សូមទូរស័ព្ទទៅលេខ 111 ហើយសុំទំនាក់ទំនងនគរបាល NZ ។
ប្រសិនបើមិនមែនជាហេតុការណ៍បន្ទាន់ទេ អ្នកអាចទាក់ទងនគរបាល NZ តាមរយៈ ៖
- ប្រើ ទម្រង់ 105 តាមអនឡាញ
- ការហៅទូរសព្ទទៅលេខ 105 ពីទូរសព្ទចល័ត ឬទូរស័ព្ទលើតុ សេវានេះគឺឥតគិតថ្លៃ និងអាចប្រើបាន 24/7 ទូទាំងប្រទេស
ទម្រង់ 105 ស្នើសុំព័ត៌មានផ្ទាល់ខ្លួនរបស់អ្នកមួយចំនួន ដើម្បីជួយនគរបាល NZ អាចដំណើរការរបាយការណ៍របស់អ្នក និងតាមដានស្ថានភាពជាមួយអ្នក ។ នគរបាល NZ ប្រើព័ត៌មាននេះ សម្រាប់តែគោលបំណងដែលត្រូវបានអនុញ្ញាតប៉ុណ្ណោះ ។
រាយការណ៍ដោយអនាមិកទៅអ្នកបញ្ឈប់ឧក្រិដ្ឋកម្ម (Crime Stoppers)
អ្នកអាចចែករំលែកព័ត៌មានដោយអនាមិកតាមរយៈ Crime Stoppers New Zealand ។
Crime Stoppers គឺជាអង្គការសប្បុរសធម៌ឯករាជ្យដែលផ្តល់វិធីសុវត្ថិភាព និងសាមញ្ញ ក្នុងការរាយការណ៍អំពីឧក្រិដ្ឋកម្ម ឬកង្វល់ធ្ងន់ធ្ងរផ្សេងទៀតទៅកាន់អាជ្ញាធរ រួមមាន អន្តោប្រវេសន៍ គយ និងនគរបាល NZ ។
ត្រង់នេះ រួមបញ្ចូលទាំងព័ត៌មានអំពីការជ្រៀតជ្រែកពីបរទេស ដែលអាចកើតមាននៅក្នុងប្រទេសនូវែលសេឡង់ ។
អ្នកអាចដាក់របាយការណ៍ដោយអនាមិកដោយប្រើ ទម្រង់អនឡាញ ឬនិយាយជាមួយនរណាម្នាក់ ដោយហៅទូរសព្ទទៅ Crime Stoppers តាមលេខ 0800 555 111 (ឬ +64 9 927 3971 ប្រសិនបើនៅក្រៅប្រទេស) ។
អត្តសញ្ញាណរបស់អ្នកនឹងមិនត្រូវបានចែករំលែកជាមួយអាជ្ញាធរឡើយ ។
សូមកត់សម្គាល់ថា ខណៈពេលដែលរបាយការណ៍អនាមិកអាចផ្តល់ព័ត៌មានសំខាន់ៗដល់នគរបាល NZ ក៏ដោយ ក៏វាអាចមិនមានព័ត៌មានគ្រប់គ្រាន់សម្រាប់នគរបាល NZ ដើម្បីធ្វើការស៊ើបអង្កេតជាផ្លូវការទេ ហើយក៏មិនរាប់បញ្ចូលជាពាក្យបណ្តឹងផ្លូវការដែរ ។
រាយការណ៍ពីការសូកប៉ាន់បរទេស
ការសូកប៉ាន់បរទេស កើតឡើងនៅពេលដែលបុគ្គល ឬអាជីវកម្មឲ្យ ផ្តល់ សន្យាផ្តល់ ឬប្រគល់សំណូកដល់បុគ្គលណាម្នាក់ ដើម្បីមានឥទ្ធិពលលើមន្ត្រីសាធារណៈបរទេសទាក់ទងនឹងការអនុវត្តមុខងារផ្លូវការរបស់ពួកគេ ។
ការសូកប៉ាន់បរទេសក៏កើតឡើងផងដែរ នៅពេលដែលមន្ត្រីសាធារណៈនៅក្នុងប្រទេសនូវែលសេឡង់ ត្រូវបានផ្តល់ សន្យាផ្តល់ ឬប្រគល់សំណូកដោយជនបរទេស ។ ការសូកប៉ាន់បរទេស អាចត្រូវបានប្រើប្រាស់ដោយរដ្ឋបរទេស ឬភ្នាក់ងារតំណាងរបស់ពួកគេ ដើម្បីអនុវត្តការជ្រៀតជ្រែកពីបរទេស ។
ប្រសិនបើអ្នកសង្ស័យថាមានការសូកប៉ាន់ពីបរទេស អ្នកអាចរាយការណ៍ដោយសម្ងាត់តាមរយៈឧបករណ៍រាយការណ៍អនាមិករបស់ ការិយាល័យបង្ការការបោកប្រាស់កម្រិតធ្ងន់ ៖ រាយការណ៍ការសូកប៉ាន់ពីបរទេស - ការិយាល័យបោកប្រាស់ធ្ងន់ធ្ងរនូវែលសេឡង់